Մեղուն մեկ անգամ հարցրեց իր տիրոջը:
— Քո կենդանիներից ո՞րն է ամենից օգտակարը:
— Գիտեմ, դու երևի կարծում ես, թե ամենից օգտակարը դու ես, բայց սխալվում ես, —
պատասխանեց տերը:
— Ինչպե՞ս, տեր, ո՞րն է այն կենդանին, որ ինձանից ավելի օգտակար է:
— Ոչխարը:
— Այդ հաշիվ չէ, տեր. ոչխարը իմ հասակակից չէ: Նա մի ահագին կենդանի է, իսկ ես մի
միջատ եմ: Դու պետք է ինձ իմ ընկերների հետ համեմատես:
— Շատ բարի. շերամը քեզ պես փոքր է, բայց քեզանից շատ օգուտ է տալիս:
— Շերամը ո՞րն է:
— Շերամն այն իմաստուն որդն է, որ մեզ համար աննման քնքուշ մետաքս է շինում:
— Հա˜ , իմացա, այդ այն շատակեր ճիճուն չէ՞, որին անդադար կերակրում եք թթան
տերևներով:
— Նա ինքն է:
— Բայց գիտե՞ս, տեր, նրա չափ որ մեզ էլ կերակրեք, մենք մեղրի տեղ ոսկի կշինենք ձեզ
համար: Դուք ոչ մի կենդանի չունեք, որ իր կերակուրը մեզ նման ինքը լինի շինելիս և
ուրիշներին էլ բաժին լինի տալիս: Այնպես չէ՞, պարոնս:
— Այո, այդ կողմից դու ուղիղ ես . մենք դեպի ձեզ շատ ապերախտ ենք, որովհետև
բոլորովին անխնամ ենք թողնում ձեզ…
Մեղուն ուրախացավ տիրոջ պատասխանիցը և թռավ նստեց վարդենու վրա:
Առաջադրանքներ
- Պատմվածքից դո՛ւրս գրիր գրությամբ և արտասանությամբ տարբերվող բառերը։
Օրինակ՝ օգտակար լսում ենք՝ ք հնչյունը, բայց գրում ենք՝ գ-ով։
Կենդանի, անգամ, երևի։
2. Դո՛ւրս գրիր եզակի թվով գործածված գոյականները և դարձրո՛ւ հոգնակի։
Օրինակ՝ մեղու-մեղուներ
Կենդանի-կենդանիներ
Ոչխար-ոչծարներ
Շերամ-շերամներ
Կով-կովեր
3. Տեքստից դո՛ւրս գրիր գործողություն ցույց տվող բառեր։
Օրինակ՝ հարցնել, կարծել։
Հարցնել, կարծել, կերակրել, շինել, տալ, թողնել, ուրախանալ,թռնել, նստել։
4. Պատմվածքում ո՞ր ածականով են բնութագրվում հետևյալ բառերը։
կենդանի- օգտակար
շերամ- իմաստուն
մետաքս- քնքուշ
ճիճու-շատակեր
5. Առանձնացրո՛ւ այն բառերը, որոնք կարող ես բացատրել առանց բառարանի օգնության։
6. Տրված ածանցավոր բառերը բաժանիր բաղադրիչների՝ առանձնացնելով արմատներն ու ածանցները։
Օրինակ՝ աննման-ան-նման
անդադար- ան-դադար
ապերախտ- ապ-երախտ,
անխնամ – ան – խնամ,
վարդենի – վարդ – ենի
7. Պատմվածքից դո՛ւրս գրիր մեկական՝ պատմողական, հարցական և բացականչական նախադասություններ։
Մեղուն մեկ անգամ հարցրեց իր տիրոջը:
Քո կենդանիներից ո՞րն է ամենից օգտակարը:
Հա˜ , իմացա, այդ այն շատակեր ճիճուն չէ՞, որին անդադար կերակրում եք թթան
տերևներով:
8. Կազմի՛ր նախադասություններ՝ գործածելով տրված բառերը։
Մարդ, մեղու, կենդանի, շերամ, վարդենի։
Մի մարդ աշխատում էր դաշտում։
Մի աշխատասեր ամենօր մեղր է պատրաստում։
Բացատում միասինխաղում էին մի քանի կենդանի։
Շերամը այն որդն է որից ստանում են մետաքս։
Այգում ծաղկել էր մի մեծ վարդենի։
9. Ո՞րն է այս պատմավքծի խորհուրդը։ Գրի՛ր մի քանի նախադասությամբ։
Մարդիկ երբեն բարձր են գնահատում են ոչ թե այն ինչը իրենց տրվում է , այլ այն ինչի համար իրենք ջանք են թաձում, օրինակ կերակրում են շերամին որպեսզի այն իրենց մետաքս տա։
Լրացուցիչ առաջադրանք
Համացանցից կամ այլ տեղեկատվական աղբյուրներից օգտվելով՝ մեղվի մասին հետաքրքիր տեղեկություններ գտի՛ր։