Աշուն
September19
Համո Սահյան
Աշնան օրերն են հասել,
Իջել է ամպը սարին,
Եվ հրաժեշտ է ասել,
Կռունկը մեր աշխարհին:
Բարդին էլ չի սոսափում
Արագիլի թևի տակ,
Դեղին թերթեր է թափում
Առվակի մեջ կապուտակ:
Կարմիր խարույկ է կարծես
Ծեր տանձենին անտառի,
Թվում է, թե մոտ վազես,
Ձեռք ու ոտքդ կվառի…
Քամին շատ էր թափառել,
Պարապ-սարապ թևը կախ,
Բայց արդեն գործ է ճարել,
Տեսեք ինչքան է ուրախ:
Հարցեր և առաջադրանքներ
- Նշի՛ր քեզ դուր եկած քառատողը և նկարի՛ր:
Աշնան օրերն են հասել,
Իջել է ամպը սարին,
Եվ հրաժեշտ է ասել,
Կռունկը մեր աշխարհին:
- Վերնագրեր մտածի՛ր յուրաքանչյուր քառատողի համար: 1-Ամպը նստեց սարի վրա: 2- Արագիլը հեռացելլ է: 3-Կարմիր տանձենի: 4-Զբաղված քամին:
- Բանաստեղծության մեջ ինչպիսի՞ն էին թերթերը, առվակը, խարույկը, տանձենին: թերթերը կարմիր, առվակը – կապույտ, խարույկը-կարմնր, տանձենին կարմիր:
- Պատմի՛ր աշնան մասին՝ օգտագործելով բանաստեղծության բառերն ու արտահայտությունները:
Աշունը շատ գեղեցիմկ է: Գույնզգույն տերևներ են թափվում ծառերից: Երկինքը ամպամած է: Քամին փչում է և ցրտում է:
- Քամին ի՞նչ գործ է ճարել, որ այդքան ուրախ է: Սկսել է փչել:
Ապրե՛ս, մնում է լրացնես 4-րդ և 5-րդ առաջադրանքները։